t Evengelie volgens Marcus 01
40 Doar komt n meloatse man bie hom. Hai vaalt op knijen en vragt hom om hulp: "As ie willen, kin ie mie geef moaken!" Jezus kreeg meedlieden,
41 stook haand oet en kwam hom aan. "Joa!" zee e, "dat wil ik. Geef worden!"
42 Op slag verswon meloatshaid en hai wer geef.
43 Jezus stuurde hom doalek vot en woarschaauwde hom:
44 "Denk ter om, proat ter mit gainain over! Loat priester noar joe kieken en breng as ovver dat ie beter worden binnen, wat Mozes veurschreven het. Den hebben ze n bewies!"
45 Mor nog mor naauw vot, begunde man der drok over en dee overaal zien verhoal. Doarom kon Jezus nait meer vrij in stad kommen, mor bleef e boeten op ainzoame plekken. Van ale kanten kwammen lu hom doar opzuiken.
|